【牌已批】法國騎師布達德獲法國馬會重發牌照
- 競馬知舍
- 6月9日
- 讀畢需時 2 分鐘
現年33歲騎師布達德5年前捲入兩宗強姦案，早前其中一宗強姦案因證據不足獲撤控，日前另一宗強姦同樣因證據不足獲撤控，其代表律師表示布達德將會再次申請騎師牌照。
今日法國傳媒 Paris Turf 報導，法國賽馬會已簽發騎師牌照比布達德，只要佢通過所有身體檢查，佢將事隔五年再次於法國上陣。今早佢已經為葛威法馬房旗下，法國橡樹大賽參賽馬Gilded Prize晨操。不過該駒由朱德望集團擁有，相信由簡國能主轡機會較大。不過，既然已經攞番牌照，相信好快可以見到呢位前法國冠軍再次於當地馬場上陣。
布達德五年前被控涉及兩項強姦案，被懷疑於2015及2021年喺兩位不同女士酒中落藥或向其注射某種物質，以致佢失去意識，於未經同意下發生性行為。經過長達四至五年時間審訊後，兩宗案件都因證據不足，布達德獲撤控。布達德被控後一直堅清自己清白，並表示無論用幾多年時間，佢都會證明自己並無涉案。
於布達德被控後，法國內政部於2021年以行政命令使布達德停牌，直至案件審結，令佢一直未能於主流賽馬地區上陣。期間，佢曾為多個馬房以騎馬人身份效力，當中包括古摩亞集團。另外，佢去年卡塔爾任騎馬人期間，部份海外騎師因當地跑道問題罷跑，令當地馬會向佢臨時發出騎師牌照，令佢可以再次出賽一段短時間。今年佢再次獲卡塔爾發出牌照，令佢呢兩年一直都有一段短時間可以獲得實戰機會，佢近兩季分別於當地取得52場（2025/26）及43場（2024/25）頭馬。
Source: Paris Turf
Photo: HKJC
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言