【美國三冠受挑戰】紐約州公布 Thoroughbred Championship Series 設額外獎金
美國傳統三歲三冠系列分別係肯塔基打吡、必利時錦標及貝蒙錦標。近年願意跑曬三關嘅賽駒並不多，紐約州馬會今日公布新三歲系列 Thoroughbred Championship Series，加設額外獎金，或令傳統美國三冠中嘅必利時錦標受挑戰。
紐約州馬會總裁 David O'Rourke 公布新系列賽設六關，將於來年開始。該項系列賽會橫跨五至九月，於邱吉爾園、貝蒙園及沙拉托加馬場上演。於新聞稿中提到，呢六項賽事預計係：
一級賽肯塔基打吡（五月，邱吉爾園）
一級賽貝蒙錦標（六月，貝蒙園）
三級賽 Matt Winn Stakes（暫定七月，邱吉爾園）
二級賽 Jim Dandy Stakes （暫定七月底或八月初，沙拉托加）
一級賽卓華斯錦標（八月下旬，沙拉托加）
Championship 賽（九月，邱吉爾園，新設賽事，路程未定）
紐約州馬會表示佢地希望呢六項賽事嘅獎金都可以超過 100 萬美元（約港元），現時三項一級賽已超過 100 萬美元，其餘三場賽事就有待批准。賽駒如果能夠出戰呢六項賽事中嘅其中四場，都會合資格競逐總獎金達 500 萬美元（約港元）嘅額外獎金。於積分榜中嘅頭八名皆可獲獎金。其中肯塔基打吡所佔嘅分數較高，但並非壓倒性。
當被問及會否與其他三歲賽事嘅馬場合作時，David O'Rourke 就表示未曾與其他馬場接洽，但當此計劃公布後，可能會吸引其他州馬會商討合作。因此，未來可能會更多賽事加入呢個新設嘅三歲系列賽。
由於 Thoroughbred Championship Series 未有將三冠次關必利時錦標納入系列賽中，考慮到要挑戰此系列賽需要一個月跑一場賽事，相信部署此系列賽嘅賽駒好大機會因此跳過三冠次關。這無疑令當地傳統三冠系列受到極大挑戰。
Source: NYRA
Photo: NYRA
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言