超之選20201101

踏入十一月，各項大賽將會陸續上演，今期先打頭陣嘅就係三級賽莎莎婦女銀袋賽。13匹參賽馬入面，級數最高嘅就當然係應屆馬王「時時精綵」。「時時精綵」雖則係香港中長途馬王，但唔講唔知，其實佢過往兩季出戰呢項三級賽都未能贏出呢項賽事。同上季一樣，「時時精綵」都係以莎莎婦女銀袋賽作為季內復出首仗，雖然大多對手級數都遠遠比唔上佢，但係佢始終都要面對上屆盟主「川河尊駒」、以及係曾於同程大勝對手嘅「與龍共舞」，到底「時時精綵」又可唔可以質取勝呢？