【提議一下】日本法律人士提議限制當地網上賭博時間及金額

由日本法律人士組成嘅全國卡奴重建生活對策協議會（全国クレサラ・生活再建問題対策協議会）今日舉行記者會，表示佢地留意到網上投注賽馬及賽艇等公營競法越黎越普及，加上疫情影響，破產個案上升。因此佢地決定向當地政府及各地方政府提交意見書，希望可以規管網上投注嘅登入時間及設立投注上限等。

日本政府會唔會聽從再草擬法例就未知，但如果網上賭博受限，一眾地方競馬甚至賽艇會受衝擊。地方競馬曾經因投注額過低而面臨倒閉甚至被廢棄嘅命運，自互聯網興起，網上投注普及化，拯救左唔少地方競馬場。

以四國嘅高知競馬場為例，2008年全年投注額僅約38億日圓（約1.9億港元），現場投注為佢地嘅主要收入來源。但由於四國人口並唔多，去現地睇馬嘅人就都唔多得去邊。佢地當時出現赤字，面臨倒閉。隨著佢地決定將賽事轉到晚上，並將賽事編喺週六及日為主，加上互聯投注嘅興起，令佢地成功起死回生，投注額不斷創新高。上年嘅投注額高達958億日圓（約47.9億港元），當中網上投注佔超過九成。高知競馬場唔再需要擔心倒閉，甚至可以將收益回饋當地政府。高知縣政府上年就分到10.5億日圓（約5250萬港元）及高知市政府就分到3.83億日圓（約1910萬港元）。

若果網上賭博真係設限，相信首當其衝就係呢啲公營競技，會唔會因為咁而令佢地再次面臨財政危機呢？當然係咪真係設限都真係言之過早。

Source: MBSNews

Photo: 記者會截圖

==============================

Telegram公海：https://t.me/GoldRacing

YoutubeChannel：https://www.youtube.com/c/GoldracingHK競馬知舍

Instagram：https://www.instagram.com/gold.racing/

Patreon：https://www.patreon.com/hkgoldracing

FacebookPage：https://www.facebook.com/HKGoldRacing

Twitch：https://www.twitch.tv/goldenrace

賽馬新聞：https://www.hkgoldracing.com/news-1