【談判破裂】JRA 1342名馬房助理或騎馬人罷工 JRA：賽事如常

Homan

17 March 2023 at 4:37:14 pm

琴日報導過嘅馬房助理及騎馬人（勞方）與練馬師（資方）糾紛，最終兩方未能達成共識，最後1342位馬房助理或騎馬人決定罷工，原來以為因此JRA本星期賽事取消，但最終賽事如常，究竟發生左咩事呢？

今次工業行動及談判，由四個工會關東勞、全馬勞、關西勞及美駒勞團結起黎與練馬師協會談判，四個工會合共有2279人。原本佢地喺談判前已經問曬會員，如果談判進度唔理想，佢地就會選擇喺3月18及19日罷工，爭取將薪金制度回復到2011年前，比而家薪金多約百分之20。

今日談判後，練馬師協會並無任何新回應，只係話會不時檢討有關薪金制度，並唔會而家就答應取消現有薪金制度，回復舊有制度。勞方宣布談判破裂，並開始著手罷工。原本以四個工會會團結一齊罷工，但擁有900多會員嘅全馬勞未有遵守協議一齊罷工，結果餘下三個工會關東勞、關西勞及美駒勞，共1342位馬房助理或騎馬人宣布罷工。

JRA就表示三個馬場賽事會如常，並會抽調人手協助受影響嘅馬房。佢地會安排已經退休嘅非工會馬房助理或騎馬人幫手，一啲JRA嘅職員協助。即使如此，相信各馬場仍會出現人手不足嘅情況。由於未知能否可以安排到，JRA取消早飛投注，只允許朝早9點開始接受投注，以觀察最新進展。

馬房助理於賽日除左喺沙圈牽引馬匹外，仲會協助處理馬匹配備。而馬匹被一些不見的人牽引，或許不太習慣。日本網民就擔心如果賽事如常上演，或許會有意外發生，因為人手不足再加這些臨時拉夫未必好熟悉該賽駒。

另一個焦點就係工會美馬勞，佢地臨陣決定放棄罷工，結果擁有900多會員嘅佢地，令到現時罷工人數少了差唔多一半，議價能力亦因而減少。美馬勞會員大多都係關西栗東嘅馬房人，有部分網許民認為佢地認為關西成績較好，佢地可以從獎金分成，足以夠生活，放棄與另外三個工會合作。

究竟聽日賽事喺人手不足下表現如何呢？而勞資雙方最終能否達成共識，仍屬未知數。


Source: スポニチアネックス
Photo: 賽事截圖

==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Patreon：https://www.patreon.com/hkgoldracing
FacebookPage：https://www.facebook.com/HKGoldRacing
Twitch：https://www.twitch.tv/goldenrace
賽馬新聞：https://www.hkgoldracing.com/news-1