【電擊引退】「野田賢君」宣布退役 轉任種馬

Homan

24 December 2021 at 12:12:07 am

「野田賢君」（Danon Kingly，ダノンキングリー）早前來港出戰香港一哩錦標，終以第八名完成。

琴日JRA公布「野田賢君」已經引退，並轉任種馬。佢將會加入社台Stallion Station嘅種馬名單。呢匹「大震撼」子嗣服役之初取得三連勝，但於皐月賞及日本打吡大賽都取得季、亞各一，未能登上頂峰。

雖然於三、四歲都能收穫二級賽冠軍，但一直與一級賽頭銜絕緣。直至今年五歲，於安田紀念賽一鳴驚人，擊敗強手「放聲歡呼」（Gran Alegria ，グランアレグリア）贏得第一項一級賽。不過之後再出就未有頭馬進帳，當中包括今個月嘅香港一哩錦標。

Source: tospo-keiba
Photo: HKJC