【黃昏馬】應家柏：跑黃昏馬未有最終決定 季尾或作試驗

Homan

27 March 2023 at 5:18:26 am

近日多個賽馬媒體指馬會考慮喺天氣熱嘅月份更改日賽開跑時間，即所謂嘅黃昏馬。有媒體指今季六月就會開始實行，馬會CEO應家柏喺上星期六喺杜拜果陣接受SCMP訪問表示未有最終定案。

應家柏接受SCMP訪問時表示如果睇番近年數據，全球暖化及炎熱天氣日數的確有上升，佢表示馬會有意喺天氣炎熱嘅月份考慮推遲開跑時間，對參賽嘅人馬都會有好處。不過佢就話暫時未有最終定案，馬會需要諮詢多個持分者及研究對投注額嘅影響。不過佢就話相信未來好大機會舉辦黃昏馬，只不過喺幾時開始。

應家柏就話透露喺今季季尾可以試行黃昏馬，以觀察對人馬、投注額嘅影響，尤其有機會因為同足球賽事重疊而對賽馬投注額有影響。不過炎熱嘅月份，歐洲足球都正值休季，相信影響較低。

另外，雖然佢地曾經討論如果要實施黃昏馬，星期六下午開賽會較星期日為佳，佢地認為香港人星期六仲需要返工，而且唔少人都會喺星期六晚刨馬。不過今季作為試驗嘅賽日就唔會更改賽日，只會推遲開跑時間。

應家柏重申人馬嘅福祉先喺佢地嘅首要考慮。因此，相信於炎熱嘅月份舉辦黃昏馬將會喺不久將來出現，只係究竟係幾點開跑及於星期六定星期日跑就需要等今季嘅試行後先會有最終定案。

另外，應家柏喺杜拜時透露來季開季日期為9月10日，同樣與今季一樣比以往遲左一個星期，主要係因為細圈將會進行復修工程，避免因為工程延誤影響，決定預留多啲緩衝時間而較以往9月第一個星期開季延遲。

Source: SCMP
Photo: HKJC
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Patreon：https://www.patreon.com/hkgoldracing
FacebookPage：https://www.facebook.com/HKGoldRacing
Twitch：https://www.twitch.tv/goldenrace
賽馬新聞：https://www.hkgoldracing.com/news-1