【「信雅達」練馬師】美國名練施懷富睡夢中離世 享年80歲
- 競馬知舍
- 2月13日
- 讀畢需時 1 分鐘
美國名練施懷富（John Shirreffs）於2月12號早上被發現於睡夢中離世。
施懷富生於二戰結束嘅1945年，成長期間曾為美國海軍服役，並到越南執勤參與越戰。退伍回國後才開始其賽馬生涯，佢先喺牧場培養幼駒，其後獲得練馬師牌照後就開始練馬師生涯。1978年開始練馬師生涯，為世人所知則要等到2005年，佢憑Giacomo贏得當年嘅肯塔基打吡大賽。
之後五年不時於大賽取勝，當中憑20戰19勝擁無敵後勁名雌「信雅達」（Zenyatta）名震天下。「信雅達」服役最初19仗全勝，攻下多項一級賽，包括2009年育馬者盃經典大賽。雖然該馬后於2010年嘅退役戰育馬者盃經典大賽不敵「問責」（Blame），但難以撼動其美國馬后地位。「信雅達」亦憑2010年出色表現，成為2010年美國年度代表馬。
施懷富近年仍然有繼續練馬，雖然已達80之齡，但佢仍於聖雅尼塔訓練超過30駒。當中佢旗下嘅「世遺小城」（Baeza）去年更攻下一級賽賓夕凡尼亞州打吡。
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言