【一年後又一條好漢】債權人將戴圖理公司充公套現後仍欠大額稅款

競馬知舍
2天前
讀畢需時 1 分鐘

傳奇騎師戴圖理因被指欠稅，於去年三月中宣布破產。根據英國法規，其破產令只會維持12個月，意味著如果其破產期無被延長，其破產令將於3月17號完結。

戴圖理於破產期間，其名下所有資產，包括所成立公司都會被清盤用以抵債。英國傳媒報導，政府著手將所擁有嘅公司清盤，睇下夠唔夠繳付欠稅。不過清盤人清盤後發現其擁有公司（Frankie Dettori Limited及Newmarket Activities Limited）並無任何資金可用以抵債。直至去年10月20號為止，佢欠英國稅務及海關總署合共約77萬英鎊，另外佢欠租車公司6,391英鎊。連同清盤人費用，現時其債務達888,799英鎊（約931萬港元）。由於其破產期將會完結，意味著無擔保債權人將好大機會收唔番筆數。

現時於南美展開退休策騎之旅嘅戴圖理，佢喺去年3月破產時表示自己誤信財務顧問嘅避稅計劃，最後被追回稅項時未能應付而宣布破產。佢當時表示自己為此感羞愧，並認為自己應該更加主動管理自己嘅財務。同時佢話破產係一個會影響佢好多年嘅決定。