【世界馬匹排名】「監察官」與「嘉應高昇」同獲評 131 分並列首位

競馬知舍
7月10日
讀畢需時 1 分鐘

日前國際馬聯公布新一輪世界馬匹排名，經過皇家雅士谷賽期及寶塚紀念等大賽後，排名上出現變化。

於威爾斯親王錦標後，英國評磅員表示會將衛冕嘅「監察官」（Ombudsman）評 132 分。但經過世界馬匹排名開會後，其評分調整為 131 分。該駒於威爾斯親王錦標以四個馬位擊敗 121 分嘅「劇唱一姐」（Minnie Hauk）及同場季軍為 126 分嘅「得令星」（Daryz）。

如果「嘉應高昇」評分未有調整嘅話，「監察官」會以 1 分之差取得頭位。不過，國際馬聯認為其主席短途獎嘅蹄下敗將表現出色，如「里見夢境」（Satono Reve）、「精算暴雪」及「北美勇族」（Comanche Brave）之後再出都好表現，因此提升其評分 1 分至 131 分，令「嘉應高昇」與「監察官」同得 131 分並列榜首。

頭七名除左「監察官」提升評分至首位外，其餘都無變。「劇烈氣象」（Bow Echo）、「得令星」及「浪漫勇士」以 126 分並列第三；而「名演說」（Notable Speech）及「半神明」（Nysos）則以 125 分並列第六。

去年全球最高分賽駒「格倫島」（Calandagan）就喺聖格盧大賽後，獲提升 1 分至 122 分，排喺第 15 位。