【中東戰線】三場中東賽事成為2026年肯塔基打吡積分賽事

要出戰美國三冠大賽首關肯塔基打吡首關，需要喺唔同積分賽事取得相應積分。以往只有美國賽事先有積分，近年就加左日本及歐洲中東戰線，比世界各地嘅馬匹都有晉身呢項泥地一級賽。

歐洲中東戰線最重要嘅賽事，以往都係阿聯酋打吡，除左因為佢最近肯塔基打吡外，佢提供嘅積分都係最多，頭五名分數順序分別為100、50、25、15及10分。肯塔基打吡賽會日前宣布阿聯酋打吡嘅第二及第三可獲更多分數，頭五名分數順序分別為100、60、30、15及10分。

另外，三項賽事將會納入肯塔基打吡積分賽事，分別係1月底嘅阿聯酋二千堅尼、2月中嘅沙特打吡及沙特打吡一星期後，於美丹上演嘅Dubai Road to the Kentucky Derby Stakes。當中兩項美丹舉行賽事，頭五名分數順序分別為20、10、6、4及2分，而沙特打吡頭五名分數順序分別為30、15、9、6及3分。

此舉可以為有意出戰肯塔基打吡嘅歐洲賽駒一月就到中東出戰，雖然幾乎無可能有。反而，此舉為中東賽駒提供更多獲得積分嘅機會，即使於阿聯酋贏唔到，都有機會攞到肯塔基打吡入場券。

Source: @KentuckyDerby

Photo: KentuckyDerby