【令人髮指】北海道日高浜本牧場虐待幼駒場主多番辯解後終道歉

競馬知舍
3分钟前
讀畢需時 2 分鐘

講到日本育馬業，唔少都會諗起Northern Farm、社台等名牌且大型育馬場。不過其實日本北海道各處都有各種小型牧場，培育競賽馬。佢地一向都不太受注目，但近日一單虐馬事件，令北海道日高一牧場受盡馬迷及練馬師於網上口誅筆伐。

位於北海道日高町嘅浜本牧場近日因為一條影片，牧場員工被指控虐待幼駒。現時部分牧場會協助一啲一口馬主團體培育賽駒，為左吸引馬迷成為會員出資，佢地會安排閉路電視鏡頭從出世後不久就影住幼駒，營造一個睇住佢長大嘅感覺。而今次事件就由揭呢個閉路電視鏡頭揭發。

上星期五3月13號，浜本牧場其中一個幼駒馬格，影到一位職員將幼駒拉出馬格，然後聽一下巨大聲響。之後職員同幼駒再次出現喺鏡頭內，職員將幼駒大力壓倒於地上甚至以拳頭打中幼駒，並多次大叫「不要攻擊人類。」

事發片段（Credit: 網上直播）

影片喺今個星期開始於社交媒體流傳，並引發軒然大波。唔少馬迷都大力批評該牧場做法，更指出該幼駒只係出左世19日。浜本牧場主人則辯解，佢地只係「教育」馬匹紀律，並指出人類應該放喺第一位。此言論一出引起更多反彈，部分練馬師或其他牧場指出，教育紀律是需要，但唔需要用此方法，由職員將賽駒壓在地下開始，已經顯示出發洩多過教育。

浜本牧場見此再反擊，再發文力撐自己嘅行為，並指牧場並非動物保護組織、理想主義者不能育馬、不能忍受自私自利之人及人類安全需放首位。佢地不能忍受危及人類安全嘅行為及馬匹攻擊人類。