top of page

【備受肯定】劉見龍獲高多芬垂青 12月起成專屬騎師

作家相片: 競馬知舍
競馬知舍
6天前
讀畢需時 1 分鐘

劉見龍今年成績出色,不但攻陷多項一級賽,更成為英國冠軍騎師。


成績咁好當然惹來唔少大馬主注視,當中育馬集團高多芬已多次與呢位年僅 20 歲騎師合作,並交出唔少頭馬。高多芬集團日前宣布與劉見龍將成為佢地嘅專屬騎師,於今年 12 月嘅杜拜嘉年華賽期就會正式以專屬騎師身份登場。


高多芬於聲明中補充,另一位專屬騎師布宜學將會繼續為佢地效力。但佢地就未有表示邊位騎師先係頭號騎師,兩位騎師都會係佢地嘅專屬騎師。劉見龍就表示自己能夠出任全球最出色嘅育馬集團嘅專屬騎師感到榮幸,感謝穆罕默德酋長給予佢呢個機會策騎一啲出色賽駒爭大賽。佢就話自己第一場一級賽都係策騎高多芬賽駒「桀驁之戀」(Rebel's Romance)贏得,希望之後可以策騎高多芬賽駒攻下更多大賽。


布宜學就表示劉見龍今季表現出色,係相當傑出嘅一年。考慮到佢嘅年齡,佢表現相當成熟。能夠獲得冠軍騎師並不容易,佢整季表現穩定且能夠獲得足夠支持。以佢嘅表現,佢值得擁有呢啲支持。


高多芬於 2024 年與杜俊誠分手後,就一直只以布宜學為專屬騎師掛帥至今。


Source: Racing Post

Photo: Racing Post


==============================

Telegram公海:https://t.me/GoldRacing



留言


bottom of page