【兩度來港】兩項一級賽冠軍「隨心起舞」離世 享年25歲
- 競馬知舍
- 1月20日
- 讀畢需時 2 分鐘
兩項一級賽冠軍雌馬「隨心起舞」（Dance in the Mood，ダンスインザムード）昨日離世，享年25歲。
雌馬「隨心起舞」於2003年尾出道，初出即出並直落四連勝，攻下2004年一級賽櫻花賞。其後出戰日本橡樹大賽，惜礙於長力只得殿軍。同年7月遠征美國橡樹大賽，卻未能複製「西沙里奧」（Cesario，シーザリオ）之路，只得亞軍。回國後出戰秋華賞不敵另一名雌「東商變革」（Sweep Tosho，スイープトウショウ），再次取得殿軍。
其後未有增程出戰女皇伊利沙伯二世盃，反而轉戰秋季天皇賞。結果以冷門身份屈居「荒漠英雄」（Zenno Rob Roy，ゼンノロブロイ）身後得亞軍，及後轉戰一哩冠軍賽就遇上「多旺達」（Durandal，デュランダル），再一次飲恨。年尾出戰香港盃，最後大敗10個馬位，只得第13名。遠征後就踏入四歲，表現不似預期，全年七戰僅得秋季天皇賞一戰能夠上名，當時於北村宏司胯下取得季軍。
踏入五歲，「隨心起舞」以一哩為主戰場，順利喺維多利亞一哩賽取得其服役第二場一級賽。同年又喺美國出戰1600米三級賽CashCall Mile Stakes（現稱Royal Heroine Stakes），取得首場海外遠征頭馬。回日後三戰「大和主將」（Daiwa Major，ダイワメジャー），卻都敗於對手蹄下。年尾佢以香港一哩錦標作為告別戰，於14駒中跑獲第12名，敗於「星運爵士」等蹄下。
「隨心起舞」退役後開展配種生涯，11匹子嗣中僅得第一胎可以取得級際賽冠軍。佢於2021年退出配種雌馬行列，於社台牧場頤養天年。社台牧場特意提到「隨心起舞」退役初期會咬人，晚年性格較為隨和，不過都唔會主動親近人，就像女王一樣。
「隨心起舞」離世一日後，其服役生涯後期主要對手「大和主將」亦於今日離世。
Source: Tospo
Photo: 賽事截圖
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言