【出聲澄清】謠言指「嘉應高昇」有隱憂 今午突急回飛 大衛希斯表示一切如常

香港馬王「嘉應高昇」將會於下星期六出戰一級賽珠穆朗瑪峰錦標，佢一直都係頂頭大熱，琴晚仲大約喺1.65至1.7倍之間，不過今日有消息指佢或者會退出，令佢大幅回飛。

今日下晝澳洲多間博彩公司突然調高「嘉應高昇」賠率，其賠率由1.8倍回至2.6倍，有博彩公司嘅盤更高達2.9倍。然後就突有消息指「嘉應高昇」幾日無食野，腳有不適等，並會於聽日宣布退賽。然後有部分博彩公司見狀暫停受注，等候進一步公布。

現時於澳洲打點嘅練馬師大衛希斯透過傳媒表示相關消息為謠言，並表示「嘉應高昇」一切如常，並會按計劃喺聽日進行快跳。大衛希斯表示「嘉應高昇」狀態好好，體重亦回復正常水平，為星期六做好準備。而騎師潘頓都話，「嘉應高昇」會如期出戰珠峰錦標。

Photo: HKJC

==============================

Telegram公海：https://t.me/GoldRacing

YoutubeChannel：https://www.youtube.com/c/GoldracingHK競馬知舍

Instagram：https://www.instagram.com/gold.racing/

Rakosell：https://goldracing.rakosell.com/

FacebookPage：https://www.facebook.com/HKGoldRacing

賽馬新聞：https://www.goldracinghk.com/news-and-blog