【加額外獎金】海外指定賽事頭馬贏得日本盃可獲多獎金
- 競馬知舍
- 11月18日
- 讀畢需時 2 分鐘
日本中央競馬會（JRA）今日公布2026年起嘅一啲新安排，除賽程外，亦有唔少新改變及唔少大賽加獎金。
最受人注目相信係各項一級賽都設有海外賽駒額外獎金，現時日本只有四項一級賽設有指定海外賽事頭馬遠征額外獎金，JRA擴展至13項一級賽，只要喺兩年內曾取得指定海外賽事頭馬，再遠征取得頭三名，就會有額外獎金。
當中日本盃嘅改變最大，該項一級賽原本已經設有指定海外賽事頭馬獎金，JRA再將英國打吡大賽、英皇錦標、朱德望國際錦標、英國冠軍錦標、愛爾蘭冠軍錦標、凱旋門大賽及育馬者草地大賽列為特別指定海外賽事，呢七項賽事頭馬遠征日本盃奪冠，可額外獲得500萬美元，而獲得第二及第三嘅118分或以上賽駒可額外獲200萬美元。再加上日本盃頭馬約322萬美元（5億日圓），令呢七項賽事頭馬遠征日本盃奪冠嘅話，可獲約822美元獎金。
原本嘅日本盃額外獎金將維持，其餘33項指定海外賽頭馬，兩年內出戰日本盃奪冠，可獲300萬美元額外獎金。
其餘改變仲有級際賽獎金增加，14項兩歲級際賽，包括二級賽及三級賽獎金都有所增加。當中一級賽希望錦標頭馬獎金由7000萬日圓加至8000萬日圓。而其他一級賽獎金都有提升，維多利亞一哩賽及女皇伊利沙伯二世盃嘅頭馬獎金加至1億5000萬日圓、二月錦標及冠軍盃都加至1億5000萬日圓。
另外，對抗酷熱天氣嘅安排，今年夏季有四星期嘅非北海道賽事都設有中午小休時間，今年繼續相關安排，並將四星期延長至六星期，令屆時所有中京及新潟賽事都會設有中午小休時間。
Source: JRA
Photo: Goldracing
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言