【即將啟用】南韓永川市馬場完成第一次模擬賽
南韓賽馬會安排南韓永川馬場上星期六進行第一次模擬賽事，為 9 月 13 日正式開幕做好準備。
是次模擬賽事，不但模擬競賽，更模擬賽駒從釜山出發至永川馬場嘅所有流程。 20 匹賽駒分部由四部運馬車運送，上星期六從釜山出發，搭左接近 2 個鐘運馬車抵達永川市（Yeongcheon）琴湖邑（Geumho-eup）馬場。全數賽駒於落車後都要接受獸醫檢查，確保佢地並無任何問題，先可以進行模擬賽。其後，佢地會容許賽駒安頓一小時，以熟習環境。
當一切準備好後，20 駒分成三組出戰模擬賽，分別有 1600 米（5匹）、1400米（5匹）及 1200米（10匹）。是次模擬賽並不會計算落賽駒競賽紀錄，而官方則希望利用呢個機會測試閘廂能否順利運作，同時亦測試終點線影相系統。南韓賽馬會預計下周六會再安排另一次模擬賽。
永川馬場係南韓當地第一個不設恆常馬房嘅馬場，意味著唔會有任何賽駒喺賽日以外時間留喺該馬場。所有出戰永川賽事嘅馬匹多數會留喺釜山馬場訓練基地，再喺賽日運往當地。因此，南韓賽馬會需要模擬賽駒由釜山出運往永川嘅流程。
永川馬場將會係南韓第四個馬場，另外三個馬場分別係首爾果川市馬場、釜山馬場及濟州馬場。當中前兩個馬場以純種馬競賽為主，而後者則以濟州馬競賽為主。早前有報道指首爾果川市馬場將會於 2029 年停運，以應付當地房屋發展，政府將在首爾內另覓土地重建馬場，但現時仍未有實際定案。
Source: Fnnews
Photo: Courtesy of Yoon Hee-hoon
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言