【受傷風險】「杯進酒」未能通過獸醫檢查被勒令退出墨爾本盃

日本賽駒「杯進酒」（Stinger Glass，スティンガーグラス）原定出戰下星期二嘅墨爾本盃，但因未能通過獸醫檢查而被逼出墨爾本盃。

維省馬會今早公布「杯進酒」因未能通過墨爾本賽前電腦掃描，按獸醫意見著令退出今屆墨爾本盃。該駒於本周二接受電腦掃描檢查，經過三位獨立獸醫檢查結果認為該駒有較高受傷風險。另外，該駒喺周四再接受正電子電腦斷層掃描，掃描結果得出同樣結論。因此，維省馬會按獸醫意見著令該駒退出今屆賽事。

由於日本現時並沒有站立嘅馬匹電腦掃描工具，因此，「杯進酒」於出發前往日本前只係做左磁力共振描掃，結果無問題就出發。「杯進酒」要去到墨爾本盃賽前先第一次接受電腦掃描，未能及早發現佢不適合出作賽。

「杯進酒」並非唯一一匹因未能通過檢查嘅賽駒，部分墨爾本參賽馬仍需接受覆檢，當中獲得優先出賽權嘅「從不妥協」（Defiantly）為其中一匹。該駒將會於本周六早上再接受覆檢。現時「未來歷史」（Future History）已從後備身份入選。

Source: RV Stewards

Photo: Racing.com

==============================

Telegram公海：https://t.me/GoldRacing

YoutubeChannel：https://www.youtube.com/c/GoldracingHK競馬知舍

Instagram：https://www.instagram.com/gold.racing/

Rakosell：https://goldracing.rakosell.com/

FacebookPage：https://www.facebook.com/HKGoldRacing

賽馬新聞：https://www.goldracinghk.com/news-and-blog