【場地偏差？】網民質疑兩日本代表走不利路段致敗 騎練咁解釋
- 競馬知舍
- 7天前
- 讀畢需時 2 分鐘
日前兩匹日本代表「一束芳花」（Strauss，シュトラウス）及「幸運銀幣」（Sixpence，シックスペンス）遠征法國出戰一級賽傑克莫華大賽。兩駒最終包辦最後兩名，其跑線選取引發唔少質疑。
「幸運銀幣」起步迅速並靠近看台推進，「一束芳花」則留喺其身後待機而動。其餘對手則集中喺跑道中央，結果「幸運銀幣」去到半程已洩氣乏力，「一束芳花」繞過同為 Carrot Farm 嘅賽駒加速，但都未能追越任何一匹對手，只能取得第九名。
賽後唔少人質疑兩駒鞍上人嘅跑線選擇，認為賽前三場賽事都顯示跑道中央跑線會較有利賽駒發揮，認為兩位鞍上人武豊及莫雷拉嘅跑線選擇（選擇於靠看台跑線推進），令賽駒耗力甚多，結果大敗而回。
「一束芳花」練馬師武井亮就表示佢地有意選擇靠近看台跑線，全因該跑線較為平坦。佢認為跑道中央雖然較為乾快，但相對較欠平坦。佢認為「一束芳花」受催策時未能加速，可能因為場地不合發揮。
其鞍上人莫雷拉就表示其坐騎於中段以不俗嘅競賽節奏角逐，不過受催策時未能交出預期嘅反應。莫雷拉就話自己有睇到賽日前段嘅賽事，認為路道中央會較好，佢曾經亦有考慮於跑道中央跑線推進，但又諗到如果移去中央跑線，需要移離「幸運銀幣」遮擋，或提早坐騎及早乏力風險。佢表示跑線並非坐騎未能最高水準嘅主因，當然佢同意呢個係合理疑問。佢相信「一束芳花」可以發揮得更好，亦值得多一個機會嘗試。該駒有報爭一級賽隆尚磨坊大賽，相信該駒會按計劃進軍該項一級賽。
「幸運銀幣」練馬師田中博康及鞍上人武豊都認為賽駒出閘迅速，但未能再加速上前。田中博康認為賽駒不在最佳狀態，並認為該駒初次出戰直路賽，一直出右腳角逐，過程未曾轉腳，令佢大敗而回。
Source: France Galop
Photo: 賽事截圖
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言