【多處受傷】見習騎師舟山瑠泉捲致命交通意外 師父田中博康致歉
8月28日
讀畢需時 1 分鐘
上星期三日本見習騎師舟山瑠泉喺函館遇上交通意外，其坐駕與另一輛汽車相撞，對方司機送院後證實死亡，而現年 20 歲嘅舟山瑠泉送院後發現多處有外傷。
練馬師田中博康於事發八日後，向各媒體發公開信就其馬房所屬騎師舟山瑠泉捲入嘅交通意外，當中有受害者身亡感到歉意，同時亦對其家人致以最深切嘅慰問。由於案件仍在調查中，現階段佢地未能提供更多資訊，但於確認有關事實，佢會採取適當嘅應對措施。
案情指舟山瑠泉於 8 月 19 號夜晚駕駛租用汽車沿國道 278 號（漁火通）行駛，駛至日乃出町一十字路口，與正在右轉，由 52 歲男教職員所駕駛另一輛汽車發生碰撞。兩人汽車車頭都撞至變形，52 歲男教職員送院後證實死亡，舟山瑠泉則右腳背骨折及左膝關節受傷。現時事故起因仍在調查中，當地警方正循是否有人衝燈、超速及醉駕等方向調查。
舟山瑠泉現時仍在留醫，未知何時出院。但如果有關調查結果涉及刑事，或許會影響其騎師生涯。舟山瑠泉去年起出道，今年取得 42 場頭馬，得勝率為 10%，屬近年其中一位日本年輕新秀。
Source: Sanspo
Photo: HKJC
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言