top of page
搜尋

【好球由中山轟出去】「投擊俱佳」美國賽馬會盃一擊即中

  • 作家相片: 競馬知舍
    競馬知舍
  • 1月29日
  • 讀畢需時 2 分鐘

嚟到日本戰報第二節，轉睇古馬組賽事。


星期六小倉上演馬女限定2000米三級賽小倉牝馬錦標，直路跑到群駒密攏，水準唔慌會高，以為走內檔嘅「鐵了心」(松山弘平) 同「暖茶艷色」(北村友一) 喺前面鬥到難分難解？「尊鮮麗」同李慕華就講聲「咪住」，後上嚟個一網打盡，鞍上人亦喺中央十場全部有重賞落袋；原先打算跑完今場退役嘅「驍智嬌娃」突如其來殺入一席亞軍，出道至今出戰重賞加埋6個第2，藤田晉見佢跑近返，即刻收回成命，比佢跑多一年，丹內祐次都算挽救隻馬比賽生涯。

星期日兩場重賞，先睇泥地1800米二級賽子犬座錦標，今年跟返正常賽程編排，正式由中京轉去京都舉行，正值今年二月錦標香港會有越洋轉播，今場亦值得比大家參考，Lord Couronne (橫山和生) 同上年盟主Sunday Funday (角田大和) 鬥足一條直路，去到門前先出頭，拎走優先出賽資格。

中山就有2200米二級賽美國賽馬會盃，放頭嘅Auswahl比古川吉洋造步速有如尋晚谷草四班一哩「嘉應駿昇」咁款，拉散晒馬群，後面成棚馬幾乎冇得追，入到直路就冇「嘉應駿昇」收返獎金咁好彩收咗工，一路跟住第2位嘅大冷門「真身」(菅原明良) 一度出頭，都不及打吡季軍「投擊俱佳」(川田將雅) 犀利，不費吹灰之力，睇住嚟食，大熱門Douradores (李慕華) 係主馬群入面追得最好一匹，末段壓過「真身」，連續四次重賞跑入亞軍。「投擊俱佳」稍後部署杜拜或大阪盃，跑得主動少少去大阪盃好似仲著數。

跟進馬方面，今期有一匹可以一講，星期日小倉4歲以上3勝1800米，睇吓Sunday會一口馬Erato (齋藤新)，出道至今都係跑細場表現較好，上年暑假喺札幌跑完之後休息至今，沿途留喺大約第5位，直路望空推落去幾好反應，輕鬆反先Mikki Twinkle (中井裕二) 同King no Jo (舟山瑠泉) 一對，成功升班，連埋跑第4嘅Ezo Daimon (松若風馬)，3匹古馬POG全入前四。


Photo: 賽事截圖


==============================

Telegram公海：https://t.me/GoldRacing

 
 
 

留言

bottom of page