【安全爭議】墨爾本賽馬會堅稱考菲爾德馬場跑道無問題 當天移欄無必要
考菲爾德馬場跑道爭議持續，墨爾本賽馬會今日邀請傳媒到跑道測試，解釋草皮雖然能夠輕易用工具抽起，但放回去後孔洞就會消失且堅實，並無安全問題。墨爾本賽馬會直指騎師不明白有關原理。不過，維省騎師公會就唔同意墨爾本馬會嘅睇法。
Racing.com 今早上傳考菲爾德馬場場地經理 Sam Bennetts 嘅講解，佢表示草皮可以整塊抽起再安裝喺原本嘅窿。當安裝好後，草皮唔凸起或凹陷，跑道因而適合作賽及安全。
上星期六賽前，多位資深騎師如薛凱華及苗康文等，嘗試抽起部分草皮，指出果啲草皮好容易被抽出黎，令佢地擔心跑道安全問題。佢地當時向當值董事表達擔憂，更表示希望取消賽日。最後董事決定向外移欄，騎師亦妥協如常作賽。
今日墨爾本賽馬會發聲明強調考菲爾馬場跑道並無任何問題，賽後佢地再檢查跑道，並無發現異常之處。佢地直指騎師們並不正確，佢地明顯並不了解呢啲草皮背後運作嘅原理。墨爾本賽馬會認為當天移欄並無必要。不過，佢地為左令騎師安心，將會邀請已退休騎師，殿堂級嘅岳禮華作顧問。佢將於賽日前與跑道經理一同檢查跑道，讓騎師們可以安心作賽。
對於墨爾本賽馬會指控，維省騎師公會代表 Matt Hyland 說法並不正常。佢表示佢及其會員睇到周六賽事畫面，對跑道狀況表示擔憂。佢指出騎師們嘅觀點必須受到重視，因為騎師先係冒著生命危險策騎嘅人，佢地既係專業同時亦都係職業運動員。就佢個人而言，無論何時何地，佢都會無條件支持佢嘅會員於步行跑道後嘅觀點。
考菲爾德馬場將會於本周日上演萬利嘉多錦標，其後會有考菲爾德錦標及考菲爾德盃等大賽日。
Source: Racing.com, Betsy
Photo: Racing.com
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言