【常規化？】英國馬壇意見希望設常規試閘

香港及澳洲嘅馬會都設有官方試閘或彈閘，讓賽駒於正式出賽可以參與一次模擬賽事。香港甚至將試閘合格定為合符資格出賽標準。而英國暫時並無有關安排及規定，今個英國平地馬季展開後，有唔少曾經參與私人試閘嘅賽駒勝出新馬賽或處女馬賽，令有關討論浮面。

現時英國未有設立官方試閘，但有私人公司舉辦一啲私人試閘，安排接受其服務嘅客戶旗下賽駒試閘。當中Craig Witheford係其中一員。其公司可以安排客戶賽駒喺嶺飛及紐卡素等馬場試閘，除左幫手教閘外，仲可以比賽駒熟習有關馬場。而呢類私人試閘屬閉門操練，所以唔會有任何試閘片段上傳至網上。

馬壇部分人士認為當世界各地都認為試閘有助賽駒適應跑道及教育賽駒，英國仍只停留喺私人試閘服務。加上閉門操練令只有少部人可以得知試閘結果及片段，對投注市場亦欠公平。此等資訊不公等，令當地有意見希望讓英國馬會設立官方試閘。

英國賽馬會表示現時佢地可以安排遠征賽駒於嶺飛及紐卡素試閘，協助佢地適應跑道，為遠征做好準備。佢地亦有留意到部分私人公司於上述兩馬場閉門進行試閘，並注意到次數有上升趨勢。因此，佢地會考慮有關官方試閘嘅建議，並會喺適合渠道討論是否可行。

要舉辦試閘亦唔容易，畢竟要當地馬場或馬會再額外撥時間做試閘，成本亦可能因此上漲。且看之後如何發展。

Source: Racing Post

Photo: Racing Post

==============================

Telegram公海：https://t.me/GoldRacing

YoutubeChannel：https://www.youtube.com/c/GoldracingHK競馬知舍

Instagram：https://www.instagram.com/gold.racing/

Rakosell：https://goldracing.rakosell.com/

FacebookPage：https://www.facebook.com/HKGoldRacing

賽馬新聞：https://www.goldracinghk.com/news-and-blog