top of page

【渴求成功】希威森不願將就坐騎質素下降 回南非再闖高峰

作家相片: 競馬知舍
競馬知舍
11月12日
讀畢需時 1 分鐘

馬會早前公布南非騎師希威森回嘅公司騎師牌照將於 12 月 24 號起撤銷,意味著佢將會於聖誕前離港返回南非。佢接受 SAHorseracing.COM 訪問時透露於數星期前與太太商討後先決定。


希威森表示佢曾經喺部分香港馬季成績唔錯,但去季及今季初缺少馬房支持,今季亦一直於每個賽日努力爭取優質坐騎。對於一個多屆南非冠軍騎師而言,希威森表示自己一直渴求喺高水平賽事取得成功,佢並不願意將就支持減少。反而佢願意繼續努力奮鬥,只係需要轉換環境。


希威森決定離開香港前,與太太 Hannah 於數星期前開始商討,兩人都認為離港回到南非係一個合適決定。加上決定離港後,進展一直良好,更令兩人覺得回到南非時機已經成熟。雖然決定離開,但佢個人對此正面。佢形容過去五季令人難忘,感謝香港馬會給予機會,並指會珍惜過去每刻。


由商討離港到落實離港,當中只有數星期,希威森表示自己未決定回到南非以哪裡為策騎基地,或會唔會接受大馬主嘅策騎聘約。不過佢就話現時正與唔同人士商討,未來將會有決定。雖然策騎計劃仍有變數,不過希威森表示相當期待回到南非上陣。


Source: SA Racing

Photo: HKJC


==============================

Telegram公海:https://t.me/GoldRacing


留言


bottom of page