【珠峰錦標】潘頓：「為保住我嘅利益，『秋暉』最好唔好跑啦」
- 競馬知舍
- 2分钟前
- 讀畢需時 2 分鐘
澳洲馬后「秋暉」（Autumn Glow）喺新馬季重返勝門，攻下一級賽雲絲仙子錦標，為其春季賽期掀起序幕。雲絲仙子錦標姿態輕鬆，令唔少都希望佢可以擔起對抗「嘉應嘉昇」嘅重任，出戰珠穆朗瑪峰錦標。
「秋暉」於勝出雲絲仙子錦標後，練馬師華禮納喺賽後訪問被問及出戰珠峰錦標嘅可能性。佢當時就話表示會同馬主 John Messara 及騎師麥道朗好好討論及分析各項數據，再決定是否縮程出戰珠峰錦標。
麥道朗今日接受澳洲傳媒 SEN 訪問表示如果「秋暉」能夠出戰珠峰錦標將會相當有趣。佢認為「秋暉」係現時澳洲最強賽駒，無野需要懼怕。佢就話覺得自己就算策駒「星彩女兒」（Lady Shenandoah）及「早麗星」（Joliestar）都有機會贏到「嘉應高昇」，當然佢非常樂意策騎「秋暉」應戰。同時，佢都承認「嘉應高昇」今次衛冕難以被擊敗，畢竟對方係現時世界最佳短途馬。
另一方面，「嘉應嘉昇」主理騎師潘頓亦有接受同一個媒體訪問，佢就先讚賞「秋暉」，認為該駒係一非常傑出嘅賽駒，同時佢嘅前速及動作都非出眾，係一匹具有天份嘅賽駒。佢認為幕後早前為左獎金放棄該駒嘅最佳路程（1400至1600米），而增程出戰2000米一級賽女皇伊利沙伯錦標。如果幕後單純考慮獎金，縮程出戰珠峰錦標會係幕後合理選擇。
雖然佢認為1400至1600米先係「秋暉」嘅最佳路程，不過該駒即使路程不合，要擊敗「秋暉」都並唔容易。「為保住我嘅利益，『秋暉』最好唔好跑啦！」不過，佢相信如果「秋暉」出戰，會係珠峰錦標有史以來嘅最偉大嘅對決。
無論如何，「秋暉」幕後將會喺今個星期決定該駒究竟縮程以珠峰錦標為目標，定係以同一個賽日，一哩一級賽英皇查理斯三世錦標為目標。
Source: SEN
Photo: Racenet
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言