【社台雙雄】「蒙面舞會」「遠觀天象」落實遠征冠軍賽馬日

兩匹原本遠征杜拜嘅日本賽駒「蒙面舞會」（Masquerade Ball，マスカレードボール）及「遠觀天象」（Jantar Mantar，ジャンタルマンタル）早前報爭冠軍賽馬日賽事，日前杜台公布已接受邀請，將會分別出戰一級賽女皇盃及冠軍一哩賽。

現時兩駒都喺社台外廄山元訓練中心調整狀態。「蒙面舞會」早前曾因不良於行而停過操，但小休過後而無大礙。雖然因而避戰大阪盃，但要趕及女皇盃相信無問題。因此幕後決定讓其出戰女皇盃，屆時將由李慕華策騎。

而「遠觀天象」將會自2024年後，再次遠征香港。今次將會由川田將雅操刀出戰冠軍一哩賽。該駒於2024年以三歲馬身份挑戰香港一哩錦標，惜以第13名大敗而回。去年贏得日本春秋一哩兩項一級賽，勢必希望乘勢一雪前恥。

另一匹日本賽駒「博物街」（ミュージアムマイル，Museum Mile）有傳落實遠征香港，但至今仍未獲得證實。另外，阿布達比金盃冠軍「一束芳花」（Strauss）則落實出戰冠軍一哩賽，雖然未知會交比邊位騎師操刀，但上場為佢操刀贏馬嘅莫雷拉屆時將會喺香港，未知該方嘉柏主帥能否為其執韁呢？

Source: nikkansports

Photo: 賽事截圖

==============================

最新文章