【試玩一年】美國古摩亞種馬「美式法老」來年到日本配種一年

美國三冠馬王「美式法老」（American Pharoah）於2015年退役後，就喺美國古摩亞開展種馬生涯，唔經唔覺已經接近10年，近年佢嘅風頭被另一匹後起之秀「正義」（Justify）趕過。

不過呢匹美國王冠王依然唔少育馬者追捧，尤其是日本。美國古摩亞今日宣布安排種馬「美式法老」來年到日本輕種馬協會（JBBA）旗下嘅靜內種馬場配種一年。該駒預計會喺2026年7月從日本番到美國古摩亞Ashford Stud。

牧場經理Dermot Ryan表示過往幾年已經有日本牧場對購入「美式法老」感興趣，最後佢地以此形式安排該駒到日本配種。「美式法老」將會由照顧其起居嘅馬房助理同行到日本。

唔少日本馬主都鍾意喺美國拍賣會購入「美式法老」子嗣，然後運到日本作賽。當中最出色一定係「法老茶座」（Cafe Pharoah，カフェファラオ），該駒曾於2021年及22年兩勝泥地一級賽二月錦標，亦都喺2023年代表日本出戰沙特盃取得季軍。

JBBA公布「美式法老」配種費為400萬日圓（約2.6萬美元），而「美式法老」今年喺美國嘅配種費為4.5萬美元（約687萬日圓），差唔多打左個六折。

Source: Coolmore

Photo: Coolmore

==============================

最新文章