【退役配種】馬后「精緻之道」退役 開始配種生涯

華禮納馬房今日宣布馬后「精緻之道」（Via Sistina）退役，並會開始配種生涯。

「精緻之道」2021年先於歐洲出道，並攻下2023年嘅一級賽美寶莉錦標，同年於英國冠軍錦標取得亞軍後，就被放到達德素12月雌馬拍賣會。佢最後被玉龍集團以270萬堅尼（約2870萬港元）購入，並運到澳洲繼續服役。

「精緻之道」運到澳洲後表現強勢，於當地上陣16仗，取得11場頭馬，全為一級賽。佢先兩勝覺士盾，當中第一次勝出覺士盾時，大勝日本代表「先見」（Prognosis）八個馬位，技驚四座。「精緻之道」嘅最後一仗係去年嘅一級賽維多利亞賽馬會冠軍錦標。

玉龍集團今日發表聲明感謝練馬師華禮納及主理騎師麥道朗，表示「精緻之道」將展開新一章，將會開始配種，並首胎會與北半球種馬「杜拜威」（Dubawi）配種。

Source: Racenet, @YulongInvest

Photo: Racenet

==============================

Telegram公海：https://t.me/GoldRacing

YoutubeChannel：https://www.youtube.com/c/GoldracingHK競馬知舍

Instagram：https://www.instagram.com/gold.racing/

Rakosell：https://goldracing.rakosell.com/

FacebookPage：https://www.facebook.com/HKGoldRacing

賽馬新聞：https://www.goldracinghk.com/news-and-blog