【遠征抽檔】「禪勝輝煌」及「自強不息」完成抽檔

競馬知舍
9月3日
讀畢需時 1 分鐘

香港代表「禪勝輝煌」及「自強不息」將於9月7號分別出戰韓國盃及韓國短途錦標。

今屆兩場韓國國際賽事，賽會喺酒店舉行抽籤，馬匹代表逐一上台抽籤。

三級賽韓國盃方面，「禪勝輝煌」馬匹代表抽檔前表示認為該駒嘅美國血統可以應付韓國嘅沙地。佢希望抽到5,6檔，但最終抽到2檔。佢就認為唔算太差，亦唔算太好。

三級賽韓國短途錦標方面，「自強不息」抽到7檔，馬匹代表抽檔前表示希望可以抽到10檔以下嘅檔位，最後抽到7檔。之後佢就話7係自己嘅幸運號碼，希望於可以喺第7名前完成賽事。另外，由於主隊有兩匹賽駒未有參與抽檔，如果抽中14,15檔就會再抽過，所以有兩駒可以再抽過。而未有抽檔嘅兩匹馬（Oasis Blue及Black Mamba）就未知最終是否出戰。