【遠征歐洲】「里見夢境」抵英 除皇家雅士谷外亦有報爭其他短途賽
- 競馬知舍
- 1小时前
- 讀畢需時 2 分鐘
日本短途王者「里見夢境」（Satono Reve，サトノレーヴ）上月於主席短途獎跑獲亞軍，再一次未能於日本以外勝出一級賽。幕後決定與去年同樣，轉戰英國皇家雅士谷賽期，以取得海外短途一級賽。
「里見夢境」早前喺香港出發前往英國，並於日前抵達當地。「里見夢境」與去年同樣會入住新市場嘅洪顯通（James Horton）馬房，為下月嘅皇家雅士谷賽期備戰。初步預計佢會以去年奪亞嘅六化郎一級賽女皇伊利沙伯二世禧年誌慶錦標為目標。
現時鞍上人則暫時未定，由於女皇伊利沙伯二世禧年誌慶錦標會於賽期最後一日上演，即使去年莫雷拉策該駒出戰奪亞，但莫雷拉會作為方廄馬房主帥至季尾，考慮希思羅機場往香港機程約13小時，加上8小時時差，佢或需要於6月21號賽日請假先可以策騎該駒上陣。當然日本冠軍騎師李慕華都會隨時候命，另外若古摩亞無馬出戰該項一級賽，莫雅相信都會係堀宣行嘅選擇。
去年「里見夢境」出戰完女皇伊利沙伯二世禧年誌慶錦標就返回日本，而今年佢地除左女皇伊利沙伯二世禧年誌慶錦標外，仲報左其他歐洲短途大賽，似乎有意喺皇家雅士谷後再留一陣歐洲跑多一、兩場先番去。
由於日本農林水產省有例，日本遠征賽駒最多只可以單次離境90日，否則就要延長回國後隔離檢疫時間。睇番「里見夢境」於4月20號抵港，計番90日姐係佢要喺7月18日返到日本。如果真係要跑多一場短途一級賽嘅話，7月11號嘅一級賽七月盃會喺佢選擇，睇下最後會唔會跑埋呢場先番去喇！
Source: nikkansports
Photo: HKJC
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing