【限鞭規例】馬會修訂賽事規例 限制賽事最後100米前用鞭

香港賽馬會今日公布賽事規例修訂，當中第100條（3），關於用鞭規例引起關注。

馬會於上季尾就用鞭規例與騎師開會檢討，最後決定為騎師陣上用鞭定下新規例。馬會將用鞭規例分為賽事最後100米前及最後100米至終點。

於賽事最後100米前，除安全受威脅嘅情況下，騎師不得對坐騎連續用鞭，即香港馬迷理解嘅車輪鞭，但實際操作係點，我地稍後會有片作進一步解釋。而騎師實際仍可以逐鞭催策坐騎。

於賽事最後100米至終點，騎師可根據情況對坐騎連續用鞭，但不可違反以下規定：

1. 以正手鞭打馬鞍前方位置

2. 鞭打馬匹頭部或頸部周圍

3. 馬匹顯然獲勝時，不可以對坐騎用鞭

4. 馬匹失去爭逐機會時，不可以對坐騎用鞭

5. 舉鞭時手抬高於肩部水平

6. 過度、不正確、不必要或不適當用鞭

頭五項都可以從賽事影片就可以得知有否違規，而第六項就要得當值競賽董事判斷。據知有關規例會設過渡期，季初相信唔會有騎師因而受罰。不過於過渡期後，騎師若觸犯規例就有機會會被罰款或停賽。

雖然馬會有就用鞭設下條件，但就無好似其他歐洲地區或澳洲般限用鞭次數，或許避免騎師掛住數鞭而影響陣上發揮。

Source: HKJC

Photo: HKJC

==============================

Telegram公海：https://t.me/GoldRacing

YoutubeChannel：https://www.youtube.com/c/GoldracingHK競馬知舍

Instagram：https://www.instagram.com/gold.racing/

Rakosell：https://goldracing.rakosell.com/

FacebookPage：https://www.facebook.com/HKGoldRacing

賽馬新聞：https://www.goldracinghk.com/news-and-blog