【陣上犯規】霍禮義策「熱似驕陽」奪愛爾蘭冠軍錦標 需停賽 11 日
上星期六「熱似驕陽」（Hotazhell）於霍禮義胯下攻下愛爾蘭冠軍錦標，於一級賽取得連勝。不過，霍禮義直路上被控不小心策騎，需停賽 11 日。
賽後就「熱似驕陽」於直路上阻到「佳駿之村」（Lambourn）、「迅先男孩」（A Boy Named Susie」及「蒼鷹山」（Hawk Mountain）研訊。賽事片段顯示，霍禮義策「熱似驕陽」於直路時，在三駒外側推進。霍禮義先打右手鞭，坐騎向「迅先男孩」壓入去，令「迅先男孩」內側嘅「蒼鷹山」及「佳駿之村」都被逼勒避。
其後霍禮義一度停止鞭策「熱似驕陽」修正，但其後佢再用右手鞭時，坐騎再壓向「迅先男孩」，令該駒需要再勒避。霍禮義再修正坐騎，於終點前力壓「鷹眼裁決」（Wimbledon Hawkeye）衝刺取勝。
鞍上人霍禮義表示佢已盡力於短時間修正坐騎，而另外三駒騎師則表示佢地受到外伸壓逼時，都要勒避，以致衝刺受影響。當地董事小組最後裁定霍禮義違反不小心策騎，罰其停賽 11 日。
賽後「迅先男孩」練馬師岳品賢直言霍禮義策騎方式粗野，如果係普通賽事咁樣策騎嘅話，將會接受嚴厲批評。不過，今次係一級賽，佢相信對方都知道自己有問題嘅地方，而這就是競賽。
Source: Racing Post
Photo: Racing Post
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言