【頭號目標】雅士谷為「嘉應高昇」度身訂造邀請計劃

一連五日嘅皇家雅士谷賽期上星期六完結，今屆除左各項大賽頭馬為焦點，亦有唔少新聞焦點，包括蘇銘銘倫隊際被罰及騎師何雷登喺取得頭馬後覆磅跌野而負磅減少等。去季香港馬王「嘉應高昇」雖然未有參賽，但依然成為焦點之一。

雅士谷馬場一直希望邀請「嘉應高昇」出戰皇家雅士谷賽期。今年失敗後，其賽馬及公關總監 Nick Smith 未曾放棄，並表示佢地希望可以邀請「嘉應高昇」出戰，並視該駒為頭號目標。現時練馬師大衛希斯表示會以衛冕珠穆朗瑪峰錦標為目標，遠征與否會等十月澳洲大賽後決定。

Nick Smith 原提議增設珠峰錦標冠軍遠征皇家雅士谷賽期嘅額外獎金，惜該提案好大機會未能成事。現時佢地希望為「嘉應高昇」及其幕後製訂度身訂造邀請計劃，當中包括為該駒幕後提供餐飲及部分旅遊津貼，以吸引該駒幕後答應遠征英國。

以往雅士谷曾於2012年向「魚子精華」（Black Caviar）幕後提供共150人嘅餐飲服務，以及津貼其旅費。佢地深信「嘉應高昇」可提供嘅媒體價值堪比「魚子精華」，當年已故英女皇為「魚子精華」進入凱旋門嘅相片，現今仍然為人津津樂道。因此佢地願意與該駒幕後商討有關方案，以確保該駒最終可以落實遠征，不惜代價為馬壇製造更多美妙時刻。

「襄王有心」，神女是否有夢仍不得而知，至少要等今年十月之後先會更加明朗。

Source: Racing Post

Photo: HKJC

全文連結：

向左掃睇全文。

#競馬知舍 #GoldRacing #香港 #英國