【兩出兩捷】彭小康維省華利南浦起孖出道一年多收獲35場頭馬

移民到澳洲嘅彭小康（Christopher Pang）日前於華利南浦馬場上演，憑 Miss Top Gun 及 She's Impeccable 取得兩場頭馬，表現出色。

現年30歲嘅彭小康曾成為香港見習學員，畢業後曾擔任練馬師約翰摩亞嘅策騎員。其後佢輾轉移居至澳洲生活並以28歲之齡入讀維省嘅見習騎師學校，最後成功於2024年4月喺當地出道。起初佢郭士庭及郭兆棠（Leon and Troy Corstens）麾下出戰，其後佢為唔同馬房效力，現時獲得35場頭馬。

雖然維省鄉鎮馬場係彭小康係佢出道之地，但事實上佢喺塔斯曼尼亞獲得更多出賽機會及具質素坐騎，佢上季至今於當地合共取得19場頭馬，佔其總頭馬超過一半。今季佢依然喺塔斯曼尼亞獲得唔少機會，希望可以繼續獲得好成績。

順帶一提，另一位香港移民，練馬師陳俊揪（Smiley）亦都不時與彭小康合作，雖然兩人就未有交收，不過相信只要持續合作，一對騎練攜手贏馬指日可待。

==============================

最新文章