【退役配種】2024年杜拜世界盃盟主「月桂河」於日本展開配種生涯

原本有機會喺今個杜拜嘉年華賽期復出嘅「月桂河」（Laurel River），最終未有復出下退役。

朱德望賽駒「月桂河」自去年三級賽防火線錦標得亞軍後就一直未有上陣。練馬師司馬邦於杜拜季初曾表示「月桂河」將會復出，並會以杜拜世界盃為目標。不過該2024年盟主先後錯過Fashion Friday 及杜拜超級星期六，練馬師表示一直未能滿意其操練表現，故一直未有安排該駒上陣。

結果「月桂河」喺未有上陣嘅情況下退役，隨即展現配種生涯。呢匹曾於杜拜世界盃大勝對八個半馬位嘅泥地怪傑已運抵日本，於日本Big Red Farm擔任種馬。該駒於3月11號從杜拜出發，並於12號抵達日本。雖然杜拜機場仍受炮火威脅，但「月桂河」途中並無任何延誤下順利抵達日本。

Big Red Farm最為人熟知嘅種馬係「黃金船」（Gold Ship，ゴールドシップ），另外外國賽駒種馬就有「拼百圖」（Benbatl，ベンバトル）。美國血統為主嘅「月桂河」相信可以為Big Red Farm帶來吸引更多唔同類型嘅雌馬預約。

Source: Sanspo

==============================

最新文章