【周五試閘】「嘉應高昇」劍指香港短途錦標 來年或挑戰一哩

香港馬王「嘉應高昇」喺珠峰錦標短距離僅負,連勝紀錄終止。該馬王將於聽日試閘並預計喺下周日嘅馬會短途錦標復出。
大衛希斯接受傳媒訪問時表示該駒自澳洲回港後狀態唔錯,體重亦回復自正常水平。佢就話「嘉應高昇」覺得自己喺珠峰錦標獲勝,賽駒狀態依然好好。如無意外將會喺聽日試閘,並會出戰下星期日嘅馬會短途錦標,再進軍香港短途錦標,爭取三連霸該項一級賽。
雖則「嘉應高昇」以為自己贏左,當然連同希斯在內嘅大家都知道唔係。佢原本以為「嘉應高昇」可以締造 30 場甚至 40 場連勝,成為傳奇一般嘅存在。既然連勝紀錄止於 21 場,佢決定來年會安排另一挑戰比「嘉應高昇」,就係嘗試增程出戰一哩一級賽。
希斯表示「嘉應高昇」於 2027 年嘅部署與去年幾乎相同,唯一唔同就係有機會挑戰冠軍一哩賽。佢與去年一樣先會出戰一月上演嘅 1200 米一級賽百週年紀念短途盃,再進軍二月嘅 1400 米一級賽女皇銀禧紀念盃。希斯指出如果「嘉應高昇」好似上年咁係女皇銀禧紀念盃大勝而回,將會考慮部署一哩,以四月嘅 1600 米一級賽冠軍一哩賽為目標,奠定該駒傳奇地位。香港傳奇馬王「精英大師」亦於 2005 年部署冠軍一哩賽,惜在終點前被「牛精福星」擊敗。
對於遠征,希斯表示唔會遠征皇家雅士谷賽期,因六月為「嘉應高昇」全年嘅休息時間。不過,希斯表示會考慮安排該駒再次遠征珠峰錦標,並準備試配備屆時使用,以協助香港馬王重登珠峰。
Source: Racing and Sports
Photo: HKJC
==============================
Telegram公海:https://t.me/GoldRacing
YoutubeChannel:https://www.youtube.com/c/GoldracingHK競馬知舍
Instagram:https://www.instagram.com/gold.racing/
Rakosell:https://goldracing.rakosell.com/
FacebookPage:https://www.facebook.com/HKGoldRacing






留言