【日本代表】三日本代表乘包機出發預計六日本馬亮相世界盃賽夜

唔少日本賽駒因中東戰事影響，放棄出戰杜拜世界盃，轉以其他賽事為目標。日本最終有三匹賽駒決定今日搭上阿聯酋安排嘅包機，前往杜拜出戰。

包機為杜拜皇家空軍擁有嘅波音貨機A6-GGP，今日於關西國際機場起飛，飛往杜拜。機上三匹日本代表，分別係出戰杜拜草地大賽嘅「地神力」（Gaia Force，ガイアフォース）、阿喬斯短途錦標參賽馬「賢德之君」（Lugal，ルガル）及阿聯酋打吡參戰馬Pyromancer（パイロマンサー）。

連同三匹現時於杜拜嘅日本代表，杜拜世界盃參戰馬「青春永駐」（Forever Young，フォーエバーヤング）、杜拜金莎軒錦標參戰馬「美洲舞台」（American Stage，アメリカンステージ）及阿聯酋打吡參戰馬「奇院長」（Wonder Dean，ワンダーディーン）。

六駒預計配搭如下：

「青春永駐」- 坂井瑠星 - 杜拜世界盃

「美洲舞台」 - 坂井瑠星 - 杜拜金莎軒錦標

「地神力」 - 橫山武史 - 杜拜草地大賽

「賢德之君」- 鮫島克駿 - 阿喬斯短途錦標

Pyromancer - 杜俊誠 - 阿聯酋打吡

「奇院長」 - 杜滿樂 - 阿聯酋打吡

當中除坂井瑠星未有報導指佢會前往杜拜外，其餘四駒鞍上人都已確定。由於有日本騎師順利獲得遠征許可，相信坂井瑠星獲遠征許可難度不大。

Source: デイリースポーツ

Photo: Bjorn Huke

==============================

最新文章