【果敢決斷】「北十字星」復活背後 騎練兵行險著致勝
- 競馬知舍
- 20小时前
- 讀畢需時 2 分鐘
去年日本打吡冠軍「北十字星」（Croix du Nord，クロワデュノール）星期日喺大阪盃重返勝門，練馬師齊藤崇史及騎師北村友一再度攜手入凱旋門。
喺星期日清晨大約五點，「北十字星」現時栗東訓練中心嘅斜路跑道（坂路），以1分13分1完快跑800米訓練。練馬師齊藤崇史覺得「北十字星」仍有啲重身，所以決定喺賽事當日朝早仲安排一課快跳。以往未有一級賽出賽馬於出賽當日早上快跳，結果呢課史無前例嘅快跳，造就呢匹打吡冠軍，取得首項年長馬一級賽。
「北十字星」能夠再次取得一級賽，鞍上人北村友一亦都功不可沒。佢賽前及賽後都表示自己之所以繼續可以為「北十字星」執韁，係各方努力協助先能夠促成，暗示自己隨時都會被換走。佢知道自己先後於凱旋門大賽及日本盃落敗，深知自己需要負上責任。
今場背水一戰嘅佢，雖然全程未有遮擋，但佢未有刻意留住此駒，反而於中段主動出擊，上前挑戰「名將田原」（Meisho Tabaru，メイショウタバル）。佢就話驚比「名將田原」走得輕鬆嘅話，可能會追唔切，結果人馬入到直路一度出現危險，「北十字星」曾內閃，北村友一修正後，再策坐駒追趕，順利喺終點趕過對手獲勝。
雖然「名將田原」賽後被發現有一蹄鐵脫落，但「北十字星」能夠擊退呢匹寶塚紀念賽冠軍，亦盡顯實力。「北十字星」之後部署相信會喺今個星期中決定，一切會視乎該駒返馬房後嘅狀態而定。
Source: nikkansports
Photo: 賽事截圖
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言