【查找不足】香港馬會調查季初投注額下跌之原因
馬季開始後，六個賽日中，有五個賽日比去季同期相比有所下跌。剛過去嘅周日賽日中，11 場賽事投注額合共約 13 億 5900 萬港元，比上季同期下跌 11.5%。據 SCMP 報導，應家柏表示其團隊正調查原因。
應家柏接受訪問時表示剛過去周日賽日投注額下跌最直接嘅原因，相信係賽事出賽馬匹減少。當中慶典盃今屆只有 9 匹賽駒上陣，比起去年出足 14 匹，少左 5 匹。原本佢地預計呢類級際賽可以有 1.9 億嘅投注額，最後只得 1.53 億。
佢地認為現時投注人士比往揀擇，賽馬產品部主管關斌德指出近 12 個月嘅馬會客群相若，但佢地喺頭五個賽日嘅投注額都有所減少。應家柏認為增加海外轉播賽日，或與本地賽日相互競爭，導致本地賽投注額有所影響。當然海外轉播賽事部分亦有不足，部分賽事只有五至六匹馬上陣，對投注額並無好處，佢相信需要喺呢方面再落啲功夫，提供更好嘅投注產品。
應家柏表示整體而言，現時狀況還算可以，但佢認為本地賽事嘅投注額需要更多彈性。既然客群相若，而可供投注賽日增加，佢認為馬會需要繼續擴大客群。雖然去年都擴大少少客群，但顯然未足夠，甚至今年只係同去年差唔多。當可供投注賽事數量已達一定水平，佢一直都有顧慮，究竟最適合現時馬會客群嘅賽事數目係幾多先足夠。
除客群人數外，應家柏亦注意到閘前賠率異動，令投注人士感到沮喪。佢認為呢個都係投注額減少嘅原因之一。
至於如何應對，應家柏就未有進一步喺訪問中談到。
Source: SCMP
Photo: HKJC
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言