【秋季天皇賞】Sunday Racing兩駒配杜滿樂及戶崎圭太
- 競馬知舍
- 10月15日
- 讀畢需時 2 分鐘
下個月初日本將會上演秋季天皇賞，Sunday Racing 預計會派出一對賽駒出戰，配搭亦已經確定。
三歲賽駒，皐月賞冠軍「博物街」（Museum Mile，ミュージアムマイル）將會配上短期客串騎師杜滿樂，此子將會喺11月1號起於當地客串至年尾。杜滿樂對「博物街」並不陌生，人馬去年合作曾勝出2000米兩歲一捷馬賽黃菊賞及於1600米一級賽朝日盃未來錦標取得亞軍。人馬重逢且看能否為這匹三歲賽駒再添一級賽勝仗。
2023年女皇伊利沙伯二世盃盟主「寬道路」（Brede Weg，ブレイディヴェーグ）則交由戶崎圭太操刀出戰。該駒上年未有力爭衛冕女皇伊利沙伯二世盃，改為出戰一哩冠軍賽，卻喺李慕華胯下得殿軍。自杜拜草地大賽後就未有為此駒執韁嘅李慕華，預計會為日本打吡大賽亞軍「蒙面舞會」（Masquerade Ball，マスカレードボール）執韁。「寬道路」帥權就落喺戶崎圭太手中，人馬曾於安田紀念賽合作，取得殿軍。該駒八月底曾出戰三級賽新潟紀念賽，最終只得第六名。
戶崎圭太主理開嘅「蕾麗宮」（Regaleira，レガレイラ）就未有報爭秋季天皇賞，該駒將會出戰2200米一級賽女皇伊利沙伯二世盃，繼續專注出戰右轉馬場。而其他有機會出戰秋季天皇賞嘅賽駒，包括「蒙面舞會」、寶塚紀念賽冠軍「名將田原」（Meisho Tabaru，メイショウタバル）、女皇盃冠軍「鍵琴高奏」（Tastiera，タスティエーラ）及大阪盃亞軍「君王之王」（Lord del Rey，ロードデルレイ）等賽駒。
Source: 日刊スポーツ
Photo: 賽事截圖
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言