【香港代表】周俊樂訪問指希望可以盡量擺前走
- 競馬知舍
- 9月5日
- 讀畢需時 2 分鐘
兩匹香港代表「禪勝輝煌」及「自強不息」將會分別出戰韓國盃及韓國短途錦標。韓國賽馬會日前上傳各參賽馬訪問，當中包括騎師周俊樂嘅訪問，佢談及兩駒戰略及爭勝機會。
文家良馬房嘅「自強不息」將會出戰沙地1200米韓國短途錦標，將會排7檔出賽。周俊樂親試後覺得「自強不息」適應場地比「禪勝輝煌」好。
賽事抽檔前，佢希望「自強不息」可以抽到5至7檔。因為該駒出戰泥地賽時，唔鍾意有食泥頭，鍾意望空角逐，7檔可以有助佢望走外疊望空角逐。步速方面，佢認為韓國短途賽事與香港模式差唔多，都係早段步速較快，而「自強不息」有能力應付。
呂健威馬房嘅「禪勝輝煌」將會出戰沙地1800米韓國盃，將會排2檔起步。周俊樂親試後表示，「禪勝輝煌」出跑道之初有啲懶散及八掛，當去到最後800米時，周俊樂指示「禪勝輝煌」起步時，但佢仍然有啲猶疑，之後周俊樂再給更多指示，但仍未交出真正走勢。
轉入最後直路時，周俊樂認真推騎，「禪勝輝煌」就交出強勁走勢。周俊樂就話「禪勝輝煌」狀態唔差，但要給予真正訊號，佢先會交出真正水準。對於檔位，周俊樂就話唔太容易，「禪勝輝煌」起步後要交出前速及要視乎外檔對手嘅動向。但佢自己會盡可能讓坐騎擺前走及走外疊，避免要食泥頭。
周俊樂就話一得知兩駒遠征就聯絡兩個馬房，希望可以獲得今次到海外上陣嘅珍貴機會。兩個馬房經過幾日考慮後，決定交比周俊樂操刀。祝願兩駒都可以有成績喇！
Source: KRBC
Photo: KRBC
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言