南非騎師麥都華（Luyolo Mxothwa）於當地取得接近800場頭馬，亦曾策「史納比」（Make It Snappy）贏得一級賽。佢早前被控違反當地賽馬規例，被即時停賽直至審訊完結。日前其案件已審結，南非賽馬會判麥都華釘牌五年。如麥都華肯配合南非馬會開出之條件，其中三年釘牌將緩刑執行。

日前國際馬聯再次公布新一輪世界馬匹排行榜，截止5月10號為止，香港馬王「嘉應高昇」進一步鞏固榜首位置，「浪漫勇士」則與其他歐洲賽駒並列第二。

維省馬會琴日公布聘用香港賽馬會獸醫Glenn Robertson-Smith為首席獸醫，掌管該馬會獸醫部門，以及防禁藥及馬匹福祉等事宜。呢個平常嘅任命，突然喺任命僅一日後，維省馬會因Glenn Robertson-Smith醫生紀律問題而撤回有關任命。

古摩亞賽駒「唯妙唯肖」（Jan Brueghel）上星期於車士打復出戰獲勝，為下月衛冕加冕盃做好準備。呢匹五歲雄馬去年逃過鬼門關，復出表現令人振奮。

海灘游水操練係澳洲賽馬常見嘅操練模式，以往都有唔少名駒都會喺海灘游水備戰。以往都甚少出意外，不過近日金拖鞋大賽冠軍「王庭貴女」（Lady Of Camelot）就因海灘游水操練受傷而被逼退出今個星期六嘅賽事。

香港馬迷對於落飛黨可謂見慣不怪，閘前綠格啡格，最後隨時變埋紅格都唔奇。唔少香港馬迷都此感到困惑，尤其真正派彩賠率去到開閘後接近40秒先可以完全反映，可能跑到一半先知自己投注嘅馬最終幾多倍。有部分馬迷認為不如跟日本提早截飛，或者可以改善問題。不過日前嘅日本賽日都出現大幅落飛得手，引起當地馬迷討論。

練馬師葉楚航日前透露「舉步生風」喺上月主席短途獎取得殿軍後，季內將唔會再上陣。下季考慮會以遠征作為季內首戰。

日本短途王者「里見夢境」（Satono Reve，サトノレーヴ）上月於主席短途獎跑獲亞軍，再一次未能於日本以外勝出一級賽。幕後決定與去年同樣，轉戰英國皇家雅士谷賽期，以取得海外短途一級賽。

「遨遊氣泡」自出戰冠軍一哩賽後，就一直未有公開操練。練馬師姚本輝早前表示有意安排呢匹去季三冠馬王出戰遮打盃，但近日對呢個部署有啲保留。

去年日本最佳年長雌馬「蕾麗宮」（Regaleira，レガレイラ）自去年有馬紀念賽得殿軍後就一直未有上陣。

講起愛爾蘭育馬者，唔少人都一定會諗起古摩亞集團及巴利多爾。古摩亞扎根於愛爾蘭再走向世界，而另一位當地育馬巨人就要數練馬師兼育馬者鮑爾傑（Jim Bolger），近日佢就將其於1982年起使用嘅訓練中心Glebe House標以400萬歐羅出售，繼續縮小其訓練規模。

去年全球最佳騎師獎得主麥道朗將會再次出席皇家雅士谷賽期，去年佢就為卡塔爾皇室嘅Wathnan Racing效力，並策「鮮紅倡議」（Crimson Advocate）攻下二級賽劍橋公爵錦標。今年佢預計會策澳洲代表出戰。

琴日聖格盧馬場上演法國打吡其中一場預賽，三級賽2100米國富大賽，最終由賀銘年策騎嘅Alam勝出。

星期日日本打吡冠軍「北十字星」（Croix du Nord，クロワデュノール）攻下春古馬三冠次關春季天皇賞，即使大幅增程1200米至兩哩仍能於終點前保住勝局。

英國新星劉見龍2022年初出道已獲當地傳媒不斷報道，被視為英國明日之是，其成績亦急速攀升。去年更打破范義龍嘅單年頭馬紀錄。呢位20歲上星期六策騎年僅34歲練馬師包紀耀嘅「劇烈氣象」（Bow Echo），首度攜手勝出一級賽英國二千堅尼。

上星期六，日本泥地馬王「青春永駐」（Forever Young，フォーエバーヤング）練馬師矢作芳人表示有意安排該駒出戰凱旋門大賽，成為第一匹宣布有意出戰該法國一級賽嘅日本代表。事隔幾日，再有一匹日本賽駒表示有意遠征凱旋門大賽。

日本賽駒「大怪奇」（Deep Monster，ディープモンスター）自2400米二級賽酋長錦標後就未有上陣，今日練馬師池江泰壽表示會安排該駒遠征香港。

英國今季首項經典賽，英國二千堅尼將會喺今個星期六上演。

昆士蘭賽駒「好天朗」（Antino）上周六出戰布里斯班讓賽後，被驗出肌腱受傷，幕後決定安排該閹馬退役。

去年凱旋門大賽冠軍「得令星」（Daryz）日前迎來四歲首場賽事，於2100米一級賽根利錦標復出。雖然只有5匹參賽馬，而「得令星」展現驚人爆發力擊敗其餘對手。