【新馬場】沙特阿拉伯將於奇地亞建新馬場作沙特盃主場
- 競馬知舍
- 2月11日
- 讀畢需時 1 分鐘
沙特盃賽馬日現時於安都拉茲馬場（King Abdulaziz Racecourse）舉行，該馬場可以舉辦嘅賽事路程非賽馬主流，對其發展造成一定限制。
近年沙特阿拉伯發展首都維雅德附近嘅沙漠地帶，發表沙特2030發展願景，建設高科技城市及大型娛樂設施。當中奇地亞（Qiddiya City）為其中一個重點發展項目，沙特政府銳意將其建設成國家嘅體育、文化及娛樂中心。日前當地媒體報導，奇地亞投資公司代表表示奇地亞將會建設新馬場，成為未來沙特盃嘅主辦地點。
該馬場預計會有一條長1600米嘅草地直路跑道，同時草地跑道一圈為2200米，泥地跑道一圈則為2400米。而馬台將會設置2.1萬個坐位，合共可以容納7萬人一同觀賽。場內亦會設有世界級嘅馬匹醫療設施，以確保可以為參賽馬提供合適支援，重視馬匹福祉。該公司代表表示希望可以透過建造新世界級馬場，可以吸引更多來自己世界各地代表及馬迷前來參戰。
奇地亞位於維雅德以西，離當地機場約一個半左右車程。不過，呢個車程計算都係以現時交通配套計算，或許到時發展順利，結合新交通配套，車程就可以縮短。奇地亞投資公司未有公布馬場何時落成，但可以期待未來有更多賽駒因此到當地參戰。
Source: Spa.gov.sa
Photo: @A_S_Al_Mughairi
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Rakosell：https://goldracing.rakosell.com/
FacebookPage：https://www.facebook.com/HKGoldRacing
留言